Mundua orokortzen ari da eta ziztu bizian eraldatzen. Erabaki beharreko arazoak geroago eta korapilatsuagoak dira eta bebestuta egoteko duten eskubidea bermatzea neskato eta mutiko guztiei geroago eta zailagoa. Zorionez arazo horiei erantzuteko Europan egiten ari diren esperientziak ugari eta era askotarikoak dira.

Gipuzkoako Foru Aldundia, Euskal Herrian, 1998tik aurrera gauzatzen ari den Umeei Laguntzeko Plan Orokorra horren guztiaren froga interesgarri eta berritzailea da.

Plan orokor hori gauzatzen hasi ginenetik bost urte iragan ondoren, umeen babesaren orainari eta etorkizunari buruz hausnartzeko eta, azken batean, umeei tratu ona emateko zein estrategia bultzatu behar diren jakiteko unea iritsi da. Horregatik, umeak ondo tratatzeko bide horretan dauzkagun gairik aipagarrienei buruz hausnarketa egiteko jardunaldi hauek eskaini nahi dizkizuegu.

Jardunaldi horietan gurasotasuna zer den aztertu nahi dugu, izan duen ebaluazioa egin eta esku hartzea aztertu; erresilientzi ereduak eta, era berean, mutiko eta neskatoengan tratu txarren mota ezberdinek epe luzera uzten dituzten ondorioka ere aztertu nahi ditugu.

Umeak babesteko programetan lanean ari diren profesionalen eta taldeen artean elkar laguntzeko praktikeei buruz ere hausnarketa egiteko aukera eman nahi dugu.

Eta, batez ere, topaleku izatea nahi ditugu jardunaldi horiek, herri ezberdinetako profesionalak beren esperientziak azaldu eta beren praktiken gaineko teorizazioa egin dezaten.

- Umeen Babesari buruzko Europar Jardunaldiak >>