Kaixo
Honekin batera bidaltzen dizuet, Abenduaren 14tik 19ra ospatuko den Usurbilgo Andatza mendi astearen egitaraua.

Andatza K.K.E.
Kontzejuzarra kalea 3
Ap. 21.
20170 Usurbil
andatza@hotmail.com
andatzake@usurbil.com


Abenduaren 14tik 19ra ospatuko da Mendi Astea 2010, lanean dabilen Andatza Mendi Taldeko antolakuntza bilgune berriaren eskutik. Guztira bost ekitaldi burutuko dira; hiru ikus-entzunezko emanaldi astetartean, eta irteera bana, heldu zein gaztetxoentzat abenduko hirugarren asteburuan. Emanaldietarako sarrera doakoa izango da. Aldiz, ibilaldietara joateko izena aldez aurretik eman beharko da, ikus-entzunezko saioak programatu diren egunetan hain zuzen, antolatzaileek Sutegin jarriko duten mahaian. Bertan gainera, datorren urterako federatu txartelak berritzeko aukera izango da.

Hona hemen Andatza Mendi Taldekoek aurtengorako prestatu duten eskaintza:
Abenduak 14, asteartea
19:00 “Peru koloretan” diaporama, Harkaitz, Egoitz, Sergio eta Aitorren eskutik, Sutegiko auditorioan. Sarrera doan.

Abenduak 15, asteazkena
19:00 “Manaslu”-ri buruzko emanaldia Oskar Porrasen eskutik, Sutegiko auditorioan. Sarrera doan.

Abenduak 16, osteguna
19:00 “Shesheren herrialdean” ikus-entzunezkoa, Felipe Uriarteren eskutik, Sutegiko auditorioan. Sarrera doan.

Abenduak 18, larunbata
8:00 Orio-Usurbil mendi ibilaldia, Usurbilgo tren geltokitik irtenda. Trenez Oriora, eta handik oinez itzulera Usurbila.Ondoren, bazkaria Patri jatetxean irteeran parte hartu dutenekin.

Abenduak 19, igandea
9:00 Ibilaldia haurrentzat.

Oharra: Sutegin burutuko diren ekitaldiak hasi aurretik, 2011ko federatu txartelak berritu eta asteburuko ibilaldietan izena emateko aukera izango da kultur etxean bertan.
Antolatzailea: Andatza Mendi Taldea.